«Աստծո որդին» ֆիլմի կադրերը մեծ աղմուկի պատճառ են դարձել Միացյալ նահանգներում: Արդյունքում կինոնկարի պրոդյուսերները ամբողջությամբ մոնտաժել և հեռացրել են այդ կադրերը:
Բանն այն է, որ ֆիլմում սատանայի կերպարը մարմնավորած դերասանը արտաքնապես աննկարագրելի նման է եղել ԱՄՆ նախագահ Բարաք Օբամային: Սատանայի դերակատարը մարոկկացի հայտնի դերասան Մեխդի Ուզանին է:
Ֆիլմի ցուցադրությունը նախատեսվում է փետրվարի 28-ին: Մամուլը արդեն իսկ անդրադառնալով թեմային՝ գրում է, որ մոնտաժի արդյունքում դերասանի աշխատանքը ջուրն է ընկել:
