ՀՀ վարչապետ Նիկոլ Փաշինյանը եռատոնի միջոցառումներին մասնակցելու նպատակով Արցախում է: Նա Արցախ է մեկնել կնոջ և դուստրերի հետ:
Նիկոլ Փաշինյանը ֆեյսբուքյան իր էջում զինվոր որդու և 3 դուստրերի լուսանկարն է հրապարակել և կից գրել.
«Շնորհավորում ենք հայ ժողովրդին եւ առանձնահատուկ՝ Արցախի հերոսական ժողովրդին Եռատոնի փառապանծ առիթով:
Սիրելի՚ արցախցիներ, սիրում ենք ձեզ, հպարտանում ենք ձեզնով, ու խոնարհվում ենք ձեր առաջ:
Խոնարհվում ենք մեր սուրբ Նահատակների առաջ»,-գրել է վարչապետը:
Նշենք, որ այսօր առավոտյան Արցախի Հանրապետության նախագահ Բակո Սահակյանը տիկնոջ՝ Անահիտ Սահակյանի հետ Ստեփանակերտի օդանավակայանում դիմավորել է Հաղթանակի տոնի, Արցախի Հանրապետության պաշտպանության բանակի ու Շուշիի ազատագրման 27-րդ տարեդարձին նվիրված տոնական միջոցառումների շրջանակներում Արցախ ժամանած Հայաստանի Հանրապետության վարչապետ Նիկոլ Փաշինյանին և նրա տիկնոջը՝ Աննա Հակոբյանին:
