Մոնախ մականունով Արթուր Եպիսկոպոսյանը ֆեյսբուքյան եթերում հայտնել է, որ «տեղեկություն է ստացել՝ կապված նոր գերեվարումների հետ:
«Ավելի վատ նորություն էլ ունեմ. Վարդենիսից իջեցրել են հատուկ նշանակության բրիգադի խմբերին: Օրվա իշխանություննե՛ր, դուք հո գիտեք, որ ես տեղեկացված եմ. ուզում են վեց հոգու գերեվարման դեպքը կոտրեն իսկական հայ հրամանատարներից մեկի վրա: Հիմնական մեղավորներին մոռացել են, ուզում են հրամանատարի վրա գործ սարքեն»,- ասել է Մոնախը։
Տեղեկացնենք, սակայն, որ ՊՆ-ն հերքել է վերոնշյալ տեղեկությունը՝ հայտնելով․ «Չնայած հանգամանքին, որ այդ տեղեկությունը արագ հերքեցին հենց ադրբեջանական պետական կառույցները, այդ թվում՝ համապատասխան հայտարարությամբ հանդես եկավ նաև Ադրբեջանի պետական սահմանապահ ծառայությունը, հայկական սոցիալական ցանցերի որոշ օգտատերեր և լրատվամիջոցներ շարունակում են շրջանառել այն։ Պաշտպանության նախարարությունը ևս մեկ անգամ հորդորում է չտարածել չճշտված, առավել ևս՝ կեղծ, իսկ այս դեպքում՝ նույնիսկ պաշտոնապես հերքված տեղեկատվություն»:
