Այսօր ՀՀ ԳԱԱ նախագահության շենքում տեղի է ունեցել ՀՀ ԳԱԱ ակադեմիկոս, ՌԴ Գիտությունների ակադեմիայի արտասահմանյան անդամ, հայկական մեխանիկայի դպրոցի հիմնադիրներից, պետական և հասարակական գործիչ Սերգեյ Համբարձումյանի հոգեհանգստի արարողությունը:
Արարողությանը մասնակցել է նաև վարչապետ Նիկոլ Փաշինյանը:
Հիշեցնենք, որ Սերգեյ Համբարձումյանը կյանքից հեռացել է օգոստոսի 4-ին 97 տարեկան հասակում:
Նշենք, որ Սերգեյ Համբարձումյանը մի շարք միջազգային ակադեմիաների անդամ էր: Գիտության ոլորտում կատարած ահռելի աշխատանքի համար նաև մի շարք մեդալների էր արժանացել, Լենինի,Աշխատանքային կարմիր դրոշի, Հոկտեմբերյան հեղափոխության, Պատվո նշանի, Սուրբ Սահակի, Սուրբ Մեսրոպ, Յան Կամենսկու շքանշանակիր էր։
