ViVARO ընկերության VNews լրատվական բաժինը «Արմենիա» և «Արմենիա Պրեմիում» հեռուստաընկերություններով ներկայացնում է իր տեսակի մեջ եզակի և մասշտաբային «Տուն Տեղ» հեռուստանախագիծը, որի շրջանակում կներկայացվեն բնակարանի գնման, վերանորոգման, ձևավորման և կահավորման հետ կապված գրեթե բոլոր խնդիրները և կառաջարկվեն բոլոր հնարավոր լուծումները:
«Տուն Տեղ» հեռուստանախագիծը հեռարձակվելու է մայիսի 12-ից՝ «Արմենիա» և «Արմենիա Պրեմիում» հեռուստաալիքներով: Յուրաքանչյուր թողարկում լինելու է թեմատիկ, և դրանցից յուրաքանչյուրի ընթացքում մանրամասն ներկայացվելու է այս կամ այն աշխատանքի համար անհրաժեշտ ապրանքատեսականին, դրա գները և որակական հատկությունները, ինչպես նաև աշխատանքի կատարման նրբությունները և գնային քաղաքականությունը»,- այս մասին տեղեկացնում է նախագծի հեղինակ և հաղորդավար Կարեն Գրիգորյանը, որը հանդիսանում է VNews – Business & Tech բաժնի խմբագիրը։
Նախագիծն ունի երկու խորագիր, որոնցից մեկը՝ «Հայկական դիզայն»-ը ընդգրկվելու է ամեն մի թողարկման մեջ և ներկայացնելու է հայկական դիզայնի ճանաչված գործիչներին, իսկ մյուսը՝ «Դիզայնթրենդ»-ը ոչ միայն ընդգրկվելու է ամեն մի թողարկման մեջ, այլև՝ ներկայացնելու է դիզայնի ոլորտում առկա տենդենցները և համաշխարհային ճանաչում ունեցող բրենդների ու դիզայներների ինտերիերի ձևավորման յուրահատուկ մոտեցումները:
Նորություններին կարող եք հետևել «Տուն Տեղ» հեռուստանախագծի պաշտոնական ֆեյսբուքյան էջից:
