ԱԺ փոխխոսնակ, ՀՀԿ մամուլի խոսնակ Էդուարդ Շարմազանովն այսօր Ծիծեռնակաբերդի հուշահամալիրում լրագրողների հետ զրույցում նշեց, որ Թուրքիան խորացրեց անջրպետը, որ հաշտվի իր սեփական պատմության հետ:
«Թուրքիան գնալով խորացրեց ժխտողականությունը: Նմանատիպ հարևանի հետ փորձել խոսել հաշտության լեզվով և փորձել ակնկալել, որ Էրդողանի վարչակարգը կարող է ճանաչել Հայոց ցեղասպանությունը, կարող է ունենալ նման խիզախություն` առերեսվել սեփական պատմության հետ, պետք չէ»,- ասաց նա` շեշտելով` հակառակ դրան և հանուն մարդու իրավունքների պաշտպանության` մենք տեսնում ենք, որ աշխարհում ավելանում են և’ երկրների, և’ նահանգների, և’, առհասարակ, դատապարտողների թիվն ու որակը:
Ըստ Շարմազանովի` վաղ, թե ուշ Հայոց ցեղասպանությունը պետք է դատապարտվի, որովհետև այլ ճանապարհ չկա:
Տեսանյութը` 1in.am-ի