Աժ պատգամավոր Մհեր Սեդրակյանի` Թոխմախի Մհերի վարքի շուրջ բարձրացած աղմուկից ծանր վիճակում է հայտնվել Աժ խոսնակ Հովիկ Աբրահամյանը: Ըստ «Հրապարակ»-ի՝ բանն այն է, որ մեծամասնականով առաջադրումների ժամանակ Արգամիչն է երաշխավորել Սեդրակյանի թեկնածությունը, և Սերժ Սարգսյանի պահանջներից մեկն էլ հենց դա է եղել, որ վերջիններս ԱԺ մտնելուց հետո պետք է վերանայեն իրենց վարքը և հրաժեշտ տան գողական մեթոդներին:

ՀՀԿ կուլիսներում երեկ խոսում էին, թե Հովիկ Աբրահամյանը Թոխմախի անզուսպ պահվածքի կապակցությամբ բավականին նեղսրտել է և խիստ զրույց ունեցել իր հովանավորյալի հետ: Դրան հաջորդել է Սեդրակյանի հրապարակավ հայտնած «ափսոսանքը», որտեղ փորձել է մի թեթև ներողություն խնդրել, բայց առանց շատ «կոտրվելու»: