Միացյալ Նահանգների Կոնգրեսի ղեկավարները հարգանքի տուրք են մատուցել Չեխիայի նախագահ, դրամատուրգ եւ ազատության մարտիկ, հանգուցյալ Վացլավ Հավելին մի ժամանակ, երբ նրա երկիրը նշում է հակակոմունիստական պայքարի եւ ժողովրդավարության հաղթանակի 25-րդ տարեդարձը։ Վացլավ Հավելի կիսանդրու հանդիսավոր բացումը կատարվել է Միացյալ Նահանգների Կոնգրեսում, հանգուցյալի այրի Դագմար Հավելի եւ Չեխիայի վարչապետ Բոհուսլավ Սոբոտկայի ներկայությամբ։