«Վանաձորի ինֆեկցիոն ծառայության փակման և անձնակազմի կրճատման մասին որևէ խոսք չի գնացել և չի կարող գնալ։ Այժմ քննարկվում է միայն այդ ծառայության՝ ավելի բարվոք շենքային պայմաններ տեղափոխելու հարցը, ինչը կարծում եմ հատկապես պետք է ուրախացնի անձնակազմին և պացիենտներին։ Վերը նշվածից դուրս ինֆորմացիան չի համապատասխանում իրականությանը։
Հ.Գ.
Վանաձորի ԲԿ նոր մասնաշենքի հանդիսավոր բացման արարողությունը տեղի կունենա նոյեմբերի 10-ին, ժամը 14:00»,-գրել է առողջապահության նախարար Արսեն Թորոսյանը ֆեյսբուքյան իր էջում՝ արձագանքելով լուրերին և բժշկուհի Արմինե Գաբուզյանի ահազանգին, թե Վանաձորի ինֆեկցիոն ծառայությունը փակվում է:
