Այսօր՝ նոյեմբերի 6-ին, «Սասնա ծռերի» գործով դատավարության ժամանակ Վարուժան Ավետիսյանն իր ցուցմունքում հայտնեց, որ ոստիկանները վիրավորում են ստացել ոչ թե ՊՊԾ գնդի տարածքում, այլև դրանից դուրս.
«Ոստիկան Յուրի Տեփանոսյանի սպանության օրը մեր կողմից կրակոց չի հնչել:
Այդ օրը, երբ Վանեցյանը հեռակապով դիմեց Արայիկ Խանդոյանին (եթե որևէ մեկը չգիտի, ասեմ, որ մայոր ներկայացողն Արթուր Վանեցյանն էր), և նա ևս շատ բաներ գիտի այս դեպքի՝ կոնկրետ Յուրի Տեփանոսյանի սպանության վերաբերյալ, հստակ ասվեց իրեն, որ մեր կողմից կրակոց չի հնչել»,- նշեց Վարուժան Ավետիսյանը:
