«Ազատ դեմոկրատներ»-ի ռեյտինգային ցուցակով առաջադրված Անահիտ Բախշյանին ապշեցրել են քարոզարշավի շրջանակներում տեղի ունեցող մի շարք երևույթներ: Նա չի հասկացել, թե ինչո՞ւ են մեծարում 5 տարի ԱԺ-ում ելույթ չունեցողին.
«Մեր ժողովուրդը երբեմն ոնց որ կուրանում է: Մարդու է մեծարում, որը ԱԺ-ում չի երևում: 5 տարվա մեջ անգամ ոչ խելացի ելույթ էլ չի ունեցել: Ուղղակի չեմ հասկանում, թե նրան գյուղերում ինչպե՞ս են ընդունում»,-լրագրողների հետ հանդիպման ժամանակ ասաց Անահիտ Բախշյանը՝ հավելելով.
«Ինձ համար անհասկանալի է նաև պետական պաշտոնյա լինելն ու քարոզարշավին մասնակցելը. «Ես Երևանի ավագանու անդամ եմ, ինձ տեղեկացրել են, որ լիազորություններս սառեցված են: Բայց վարչապետը և՛ քարոզչության է մասնակցում և՛ վարչապետ է: Միայն ԿԳ նախարարի մասին եմ կարդացել, որ արաձակուրդում է, մնացածի մասին խոսք չկա: Կարեն Կարապետյանն ամենուր հայտարարում է, որ արդարություն են հաստատելու, բայց հենց ինքը խախտում է օրենքն ու զրոյացնում իր ասածը»:
Անի Կարապետյան