Դերասան Վարդան Պետրոսյանը շարունակում է մնալ բժիշկների հսկողության տակ: Նա այս պահին «Նուբարաշեն» ՔԿՀ-ի հիվանդանոցում է:

Այս մասին «Փաստինֆո»-ին հայտնել է նրա փաստաբան Նիկոլայ Բաղդասարյանը: Փաստաբանը նաև նշել է, որ Վարդան Պետրոսյանը «Նուբարաշենից» որևէ այլ հիվանդանոց չի տեղափոխվել` ոչ դատապարտյալների և ոչ էլ քաղաքացիական:

«Տեղափոխությունը բավական բարդ խնդիր է, հատկապես՝ այս Նոր տարվա օրերին»,- ասել է Նիկոլայ Բաղդասարյանը` միաժամանակ հավելելով, որ առայժմ հայտնի չէ, թե ինչն էր դերասանի առողջական վիճակի վատթարացման պատճառը, և ինչ են ախտորոշել կալանավայրի բժիշկները նրա մոտ: