Ոստիկանապետ Վլադիմիր Գասպարյանը «ոչ ավանդական սեռական հարաբերությունների վերաբերյալ քարոզչության» համար տուգանքներ սահմանելու վերաբերյալ՝ ոստիկանության իրավաբանական վարչության կողմից մշակված օրինագիծը հետ է կանչել՝ «նկատի ունենալով օրինագծի՝ քննարկումների ընթացքում ի հայտ եկած թերություններն ու բացթողումները, ինչպես և նշելով, որ այդ խնդիրն այսօր ոստիկանության առաջնահերթություններից չէ»: Ոստիկանությունը նաև տեղեկացոնւմ է, որ այդ նախագիծը մշակվել է՝ հիմք ընդունելով մի քանի տասնյակ մտավորականների դիմում-բողոքները:
Դե եթե Ոստիկանությունը զբաղվի իր գործառույթներով, այլ ոչ թե ընկնի տարատեսակ ցեցը կերած մտաՈռականների խելքին, ապա հաստատ չի հայտնվի այս կարգի ծիծաղելի և կազուսային իրավիճակում...
Արգիշտի Կիվիրյանի գրառումը
Ֆեյսբուք
Asekose.am-ը երեկ տեղեկացրել էր, որ ոստիկանության իրավաբանական վարչությունը Վարչական իրավախախտումների վերաբերյալ օրենքում լրացումներ կատարելու օրենքի նախագիծ է մշակել, որով, առաջարկվում է տուգանքներ նշանակել «ոչ ավանդական սեռական հարաբերությունների վերաբերյալ քարոզչության» համար:
