▲ Դեպի վեր

lang.iso lang.iso lang.iso

Վրաստանի քաղաքացիները ստորագրահավաք են սկսել` խնդրելով երկրի կառավարությանն օգնել Հայաստանին կորոնավիրուսի դեմ պայքարում

Վրաստանի քաղաքացիները սոցիալական ցանցերում ու տարբեր խմբերում ստորագրահավաք են սկսել՝ խնդրելով իրենց երկրի կառավարությանն օգնել Հայաստանին կորոնավիրուսի դեմ պայքարում: Մասնավորապես՝ gopetition.com կայքում Սանդրո Չումաշվիլի անվամբ օգտատերը ստորագրահավաք է սկսել՝ դիմելով երկրի կառավարությանը:

Կայքում նշվում է, որ Հայաստանում կորոնավիրուսային իրավիճակը շատ լուրջ է, ի տարբերություն Վրաստանի, որտեղ «իրավիճակը վերահսկվում է»:

«Մենք խնդրում ենք Վրաստանի կառավարությանն այս դժվարին պահին մտածել հարևան երկրին օգնելու մասին: Մենք ցանկանում ենք Հայաստանին օգնություն առաջարկել այնտեղ վարակված անձանց Վրաստանում բուժելու տեսքով: Մենք կարծում ենք, որ դա ճիշտ քայլ կլինի հարևան երկրին օգնելու և տարածաշրջանում համաճարակային իրավիճակը շտկելու ուղղությամբ»,-ասված է ստորագրահավաքին կից արված գրության մեջ:  

Վրաստանում մինչ օրս գրանցվել է կորոնավիրուսով վարակման 801 և մահվան 13 դեպք: Վարակվածներից 644-ն առողջացել էՀայաստանում վարակվածների ընդհանուր թիվը հասել է 11 221-իմահացածների թիվը՝ 244-ի:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Հասարակություն далее