ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը ֆեյսբուքյան իր էջում գրել է. «Այսօր Ազգային ժողովի պետաիրավական հարցերի հանձնաժողովում քննարկվելու իմ և իմ գործընկերների նախագիծը՝ կենդանիների հանդեպ դաժան վերաբերմունքը, կենդանու սպանությունը, խոշտանգումը քրեականացնելու վերաբերյալ։

Ես վստահ եմ, որ խորհրդարանում չի գտնվի պատգամավոր, ով դեմ կլինի այս նախագծին։
Որովհետև, մի անգամ արդեն ասել եմ և էլ հիմա կրկնում եմ՝ ինձ համար պոտենցիալ մարդասպանի և կենդանուն խոշտանգողի, սպանողի և ծանակողի միջև առանձնապես մեծ տարբերություն չկա»։