|
RT-ի գլխավոր խմբագիր Մարգարիտա Սիմոնյանը սոցկայքի իր էջում անդրադառնալով Արցախում վերջին իրադարձություններին՝ գրել է․ «Ղարաբաղ՝ վերջ»։
|
Թարմացված. Կրեմլը չի ընդունում Հայաստանի նախատինքները՝ կապված Լեռնային Ղարաբաղի անվտանգության հետ, հայտարարել է ՌԴ մամուլի քարտուղար Դմիտրի Պեսկովը, գրում են միջազգային ԶԼՄ-ները։ Նրա խոսքով, Ադրբեջանը «օրինական գործողություններ է իրականացրել իր տարածքում»՝ մեկնաբանելով Հայաստանի Անվտանգության խորհրդի քարտուղարի խոսքերն այն մասին, որ ռուս խաղաղապահները չեն կատարում Լեռնային Ղարաբաղի պաշտպանության իրենց պարտավորությունները։
«Ադրբեջանը դե յուրե ռազմական գործողություններ է իրականացնում իր տարածքում, ուստի Կրեմլը չի ընդունում Հայաստանից Ռուսաստանի հասցեին հնչող նախատինքները՝ կապված Լեռնային Ղարաբաղի անվտանգության հետ»,-ասել է Պեսկովը։
«Մենք չենք ընդունում նման կշտամբանքները մեր հասցեին, հատկապես այն բանից հետո, երբ հայկական կողմը պաշտոնական որոշում է ընդունել Ղարաբաղը Ադրբեջանի կազմում ճանաչելու։ Դե յուրե, խոսքը հիմա Ադրբեջանի Հանրապետության գործողությունների մասին է իր տարածքում։ Ուստի մեր հասցեին նման մեղադրանքները բացարձակապես անհիմն են»,- ասել է Պեսկովը:
Թարմացված.Ռուսաստանի նախագահ Վլադիմիր Պուտինն ու Հայաստանի վարչապետ Նիկոլ Փաշինյանի առանձնազրույց կունենան։ Ժամկետները դեռևս չեն հստակեցվել։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Ադրբեջանի նախագահ Իլհամ Ալիևի հետ շփումներ դեռևս նախատեսված չեն։
