Հունիսի 13-ին ՀՀ փոխվարչապետ Տիգրան Ավինյանի մոտ տեղի է ունեցել քննարկում, որին մասնակցել են Կրթության, գիտության, մշակույթի և սպորտի նախարար Արայիկ Հարությունյանը, փոխնախարար Նարինե Թուխիկյանը, Կադաստրի վարչության պետը, քաղաքաշինության կոմիտեի նախագահ Վահագն Վերմիշյանը և այլ պաշտոնյաններ․ քննարկվել են կրթական հաստատությունների շենքային պայմաններին վերաբերող հարցեր։ Հինգշաբթի, Տիգրան Ավինյանը խորհրդակցություն է անցկացրել նաև «Հայաստանի պետական հետաքրքրությունների ֆոնդի» ներկայացուցիչների հետ:
Հանդիպման ընթացքում անդրադարձ է եղել ՀՀ կառավարության ծրագրին համահունչ Ֆոնդի ռազմավարական գերակայությունների մշակմանը: Տեղի է ունեցել քննարկում արտահանման խթանման, վերամշակվող էներգետիկայի, ենթակառուցվածքների զարգացման և մի շարք այլ ուղղություններով նոր ներդրումների ներգրավման հնարավորությունների վերաբերյալ:
Նույն օրը Տիգրան Ավինյանն անցկացրել է մեկ այլ աշխատանքային խորհրդակցություն՝ «Ջրային ոլորտի վարկային և դրամաշնորհային ծրագրերի իրականացման արդյունավետությունը» թեմայով:
Հանդիպման ընթացքում քննարկվել են ջրային ոլորտում զարգացման միջազգային գործընկերների հետ համագործակցությամբ իրականացվող վարկային և դրամաշնորհային ծրագրերի իրականացման հետ կապված օրակարգային հարցեր: Ոլորտի պատասխանատուները փոխվարչապետին ամփոփ զեկուցել են իրականացվող վարկային և դրամաշնորհային ծրագրերի վերաբերյալ:
Անդրադարձ է եղել ծրագրերի ընթացիկ կատարողականի հարցերին ինչպես ֆինանսական, այնպես էլ բաղադրիչների ու հիմնական աշխատանքների մասով: Տեղի է ունեցել մտքերի փոխանակում առկա խնդիրների հնարավոր լուծման առաջարկությունների վերաբերյալ:
