ՌԴ Պետդումայի պաշտպանության հանձնաժողովի անդամ Անդրեյ Կոլեսնիկը հայտարարել է, որ Հայաստանը չպետք է հրաժարվի Գյումրիում տեղակայված ռուսական ռազմաբազայից։ Նրա խոսքով՝ առանց աջակցության Հայաստանին «կուլ կտան»։ Պատգամավորի խոսքերը փոխանցում է ՌԻԱ Նովոստին։
Կոլեսնիկի կարծիքով՝ Գյումրիի ռազմաբազան կարող է հավասարակշռել Հայաստանի համար առկա որոշ սպառնալիքներ և պատահական չէ, որ արդեն մի քանի տասնամյակ տեղակայված է այնտեղ։ «Ռուսաստանը միշտ օգնության է հասել Հայաստանին, իսկ մեր ժողովուրդների հարաբերություններն ավանդաբար լավ են եղել»,- հայտարարել է նա։
Ռուս պատգամավորը նաև կարծիք է հայտնել, որ ՀՀ վարչապետ Նիկոլ Փաշինյանը պետք է հստակեցնի իր դաշնակիցների ընտրությունը և չփորձի «երկու աթոռի վրա նստել»։
Ավելի վաղ ՌԴ նախագահ Վլադիմիր Պուտինը Բիշքեկում կայացած մամուլի ասուլիսում հայտարարել էր, որ Մոսկվան պատրաստ է դուրս բերել ռուսական ռազմաբազան Գյումրիից, եթե Երևանը համարի, որ դրա ներկայությունն այլևս անհրաժեշտ չէ, հայտնում է Lenta.ru-ն։
Դիտեք նաև՝
