Հույս ունենք, որ խաղաղության կեղծ շպարի հետևում «իրական» Հայաստանից մասեր չեն արժանանա Շուշիի ճակատագրին. Արամ Ա–ն կարծում է, որ Բաքվի կողմից հայկական ժառանգությունն աղվանական ներկայացնելը ՀՀ իշխանությունների անմիաբանության ու անհեռատես քաղաքականության հետևանքն է

«Խորը ցավով ու ընդվզումով դիտեցինք սոցիալական ցանցերը ողողած տեսանյութերը, որտեղ Հայաստանի «բարեկամները» պարում են Շուշիում և «հիացմունքով» դիտում ու լսում՝ մեր սրբերի աղոթքով, նահատակների արյունով ու ժողովրդի ստեղծագործ ոգով դարերի ընթացքում կանգնած մեր եկեղեցիներն ու պատմամշակութային կոթողները որպես աղվանական կառույցներ։ Պատմության ի՜նչ ահավոր խեղաթյուրում մեր աչքերի առաջ...»։