Ինֆորմացիան և տեսանյութերն այս հղումով թարմացվում են․ Հետևեք նաև Asekose.am-ի տելեգրամյան ալիքին։
Թարմացում-Հասարակական-քաղաքական գործիչ Արթուր Դանիելյանը երկու ամսով կալանավորվեց։ Դատարանի որոշմամբ, նրա հետ շփումներն արգելված են։
«Ոչ մի բան էլ չեն թաքցնում, չեն քողարկում։ Դատավորը, պարզվում է, Փաշինյանի աշխատակազմում երեք տարի վարչության պետ է աշխատել։ Բացարկը չընդունեց»,-դատարանից դուրս գալուց հետո լրագրողներին ասաց Դանիելյանի փաստաբան Տիգրան Աթանեսյանը։
Վարույթը նախաձեռնվել է այս տարվա օգոստոսին։
Նա ընդգծեց՝ առավոտյան մեկ գրառման հիմքով են մեղադրանք առաջադրել, երեկոյան ևս մեկ մեղադրանք են առաջադրել 6 գրառման համար։
«Արթուրի ցանկացած գրառում կարող է լինել մեղադրանքի մեջ, բառապաշարը, որ օգտագործում է այս իշխանությունների վերաբերյալ, դիտում են խուլիգանություն։ Նիկոլ Փաշինյանի բառապաշարը 10 անգամ ավելի վատն է, քան Արթուրինը։ Արթուր Դանիելյանը քաղաքական բանտարկյալ է, սա ակնհայտ քաղաքական հետապնդում է, անգամ Նիկոլ Փաշինյանի նախկին աշխատակիցն է կալանքը տալիս, դրան են հասել»,-ասաց Աթանեսյանը:
Փաստաբանի խոսքով, խափանման միջոցի վերաբերյալ դատարանի որոշումն իրենք կբողոքարկեն։
***
|
«Ադեկվատ» միաբանության հիմնադիր Արթուր Դանիելյանի ֆեյսբուքյան գրառումը. «Ինձ էսօր առավոտյան կանչել են քննչական։ Գործ են հարուցել։ Մեղադրանք են առաջադրելու։ Չգիտեմ՝ ինչի մասին ա, էական էլ չի։ Եթե քննիչի մոտից դուրս գամ, ուղիղ եթերով կմեկնաբանեմ այս ամենը։ Բայց կոմբինացիան իրականում շատ պրիմիտիվ ա։ *** Ձերբակալել են քաղաքական ակտիվիստ Արթուր Դանիելյանին, սոցցանցում հայտնել է փաստաբան Տիգրան Աթանեսյանը։ *** Արթուր Դանիելյանին մեղսագրվում է միջին ծանրության արարք` խուլիգանություն հոդվածով` ֆոյսբուքյան գրառման համար, հայտնել է փաստաբան Տիգրան Աթանեսյանը։ |
