«Մայր Հայաստան» կուսակցության անդամ Սոնա Աղեկյանի ֆեյսբուքյան գրառումը. «ՔՊ-ի «հոգատար» իշխանության ձախողված հերթական արդյունքը՝ այս անգամ մանկահասակ երեխաների անվտանգության հաշվին. Երևանի թիվ 60 մանկապարտեզի բակում արմատից փտած ծառը արմատախիլ է եղել…
Հարց եմ տալիս. ՔՊ-ական իշխանությունը քանի՞ անգամ պետք է վտանգավոր ծառերի մասին ահազանգ ստանա, որպեսզի վերջապես սկսի զբաղվել խնդիրների լուծմամբ։ Հասկանո՞ւմ եք, սա մանկապարտեզի բակ է, որտեղ խաղում են երեխաներ։ Եվ եթե 8 տարի ՔՊ-ական քաղաքային իշխանությունը չի կարողանում հայտնաբերել ու հեռացնել արմատից փտած, վտանգավոր ծառը, ապա նշանակում է գործ ունենք կառավարման համակարգային ձախողման հետ։
Պատասխանատուները պետք է ոչ թե հերթական անգամ արդարանան, այլ պարտավոր են պատասխան տալ իրավապահ մարմիններին՝ ո՞վ է վերահսկել մանկապարտեզի տարածքը, ե՞րբ է վերջին անգամ ստուգվել ծառը, ինչո՞ւ արմատից փտած ծառը չի հայտնաբերվել և ո՞վ է պատասխանատվություն կրելու, եթե հաջորդ անգամ, Աստված մի արասցէ, հետևանքը ողբերգական լինի»:

Կարդացեք նաև՝ 

Երեկ՝ օգոստոսի 29-ին, արտակարգ դեպք է տեղի ունեցել Երևանում։ Ժամը 20:10-ի սահմաններում Դավթաշեն 1-ին թաղամասի 36 շենքի բակում հաստաբուն ծառը, որն արմատից փտած է եղել, տապալվել է։
Ինչպես հայտնում է ֆոտոլրագրող Գագիկ Շամշյանը, ծառն ամբողջությամբ փակել է երթևեկելի գոտին, իսկ ծառի ճյուղերն էլ ընկել են կայանված «Nissan» մակնիշի ավտոմեքենայի վրա։ Բարեբախտաբար տուժածներ չկան, մեքենան էլ չի վնասվել։ Դավթաշենի թաղապետարանից ոչ մի պատասխանատու կամ աշխատակից այդպես էլ չի ժամանել։