«Ձեր հայերենն էլ որ իդեալական ա, դրա օգուտը ո՞րն ա, եթե ձեր կառավարման ժամանակահատվածում Արցախ ա հանձնվել, ադրբեջանցին սուսուփուս գալիս, մեր հայրենակցին ա վնասում. ձեր հայերենի գերազանց իմացությունն ո՞ւմ ա պետք էստեղ»,- արձագանքելով ԱԺ նախագահ Ռուբեն Ռուբինյանին՝ հայտարարեց «Հայաստան» խմբակցության պատգամավոր Աննա Գրիգորյանը:

Հիշեցնենք՝ ավելի վաղ Ռուբինյանը, դիմելով «Ուժեղ Հայաստան»-ից Տիգրան Աբրահամյանին, ասել էր. «Պաշտոնապես առաջարկում եմ՝ ես և Սամվել Կարապետյանը նստում ենք, ուղիղ եթերում հայերեն շարադրություն ենք գրում»:

***

«Շնորհակալություն կոմպլիմենտի համար, բայց իմ հայերենն իդեալական չէ. մեկումեջ սխալներ եմ անում, արտասանության խնդիրներ ունեմ, «ռ» տառը չեմ կարողանում ասել»,- արձագանքելով ընդդիմադիր պատգամավոր Աննա Գրիգորյանին՝ ասաց ԱԺ նախագահ Ռուբեն Ռուբինյանը:

***

ԱԺ նախագահ Ռուբեն Ռուբինյանը, «Ուժեղ Հայաստան»-ից Տիգրան Աբրահամյանի հետ բանավեճի ժամանակ, հայտարարեց. «Հնչեց պնդում, որ Սամվել Կարապետյանը հայերենին ինձնից լավ ա տիրապետում: Պաշտոնական առաջարկ եմ անում՝ ձեր նախընտրած ցանկացած ֆորմատով, ես ու Սամվել Կարապետյանը նստում ենք, հայերեն շարադրություն կամ թելադրություն ենք գրում: Սպասում եմ»:

***

ԱԺ «Ուժեղ Հայաստան» խմբակցության ղեկավար Նարեկ Կարապետյանը, արձագանքելով ԱԺ նախագահ Ռուբեն Ռուբինյանի՝ «շարադրության» մասին ելույթին, ասաց. «Ձեր հետ ի՞նչ շարադրություն գրենք: Դուք սաղ կյանքը թուրքերենի շարադրություն եք գրել. թուրքերը տվել են, դուք գրել եք»: Ռուբինյանն արձագանքեց. «Դուք անպատասխանատու հայտարարություններ եք անում. էդ ձեր քաղաքական ուժին են արտաքին ուժերը թելադրություն տալիս, ու դուք խելոք գրում եք. չխառնե՛ք ոչ մի բան»: Դահլիճում իրարանցում սկսվեց: «Դու ես խառնում»,- ասաց Կարապետյանը: «Դու չի, դուք ա»,- պատասխանեց Ռուբինյանը:

Դիտեք նաև՝ 

Դիտեք նաև՝

«Ադրբեջանական կողմը մի քանի օր առաջ տեղյակ է պահել, ոչ մեկը գյուղացիներին չի զգուշացրել, որ ադրբեջանցի զինվորը զինված այդ տարածաշրջանում է։ Որոնողական աշխատանքներ չեն կատարվել։ Այդ համայնքում ԱԱԾ-ն չի՞ կարող որոնողական աշխատանքներ անել, ժողովրդին զգուշացնել, անվտանգային համակարգը, տեղային անվտանգությունը աշխատեցնել, ի՞նչ են արել այդ քանի օրը, չեմ հասկանում, ինչո՞ւ պետք է հայ կինը մտներ իր տուն, այնտեղ տեսներ ադրբեջանցուն։ Ամեն ինչին մատների արանքով են նայում»,- ճեպազրույցի ժամանակ ասաց ԱԺ «Ուժեղ Հայաստան» խմբակցության ղեկավար Նարեկ Կարապետյանը՝ նշելով, որ այսօր ԱԺ-ում տեղի ունեցած միջադեպն օրակարգը շեղելու համար է։ «Մի ադրբեջանցի է եկել, պետությունը չի կարողացել մեկի հարցը լուծել, ինչպես են հազարների հարցը կարողանալու լուծել, երբ այդ երկրում հակահայկական քարոզ է գնում՝ դպրոցից, մանկապարտեզից սկսած»,- շարունակեց Կարապետյանը։

***