«Երկիր Ծիրանի» կուսակցությունը տեղեկացնում է․ «Սույն թվականի հունվարի 21-ին «Երկիր Ծիրանի» կուսակցության ղեկավար Զարուհի Փոստանջյանը դիմել էր Ռուսաստանի Անվտանգության դաշնային ծառայության տնօրեն Ալեքսանդր Բորտնիկովին և Ներքին գործերի նախարար Վլադիմիր Կոլոկոլցևին։ Նրանց ուղղելով մի շարք հարցեր, որոնք վերաբերում են ՀՀ քաղաքացիներ՝ Աննա Հակոբյանին, Մարիամ Փաշինյանին և Շուշան Փաշինյանին:

Զարուհի Փոստանջյանը մասնավորապես ցանկանում է իմանալ, թե ի՞նչ հիմքով էր թույլատրվել ՀՀ քաղաքացիներ՝ Աննա Հակոբյանին, Մարիամ Փաշինյանին ու Շուշան Փաշինյանին լքել Դոմոդեդովո օդանավակայանի տարածքը և մուտք գործել Ռուսաստանի տարածք։

Հիշեցնենք, որ այդ ժամանակ կորոնավիրուսի համաճարակի պատճառով Ռուսաստանն արգելում էր ՀՀ քաղաքացիների մուտքը, բացառությամբ՝ մի քանի դեպքերի:

Երեկ՝ 2021 թվականի փետրվարի 11-ին, ստացել ենք պատասխան նամակ, որտեղ նշված է, որ Զարուհի Փոստանջյանի դիմումը ուղարկվել է ՌԴ-ի Անվտանգության դաշնային ծառայության և Ներքին գործերի նախարարության համապատասխան մարմիններին»,- ասված է հաղորդագրության մեջ։