ՌԴ Անվտանգության խորհրդի նախագահի տեղակալ Դմիտրի Մեդվեդևը է «գռեհիկ» անվանել Ֆրանսյաի նախագահ Էմանուել Մակրոնի խոսքերը, որ Ռուսաստանը միտումնավոր է սրում իրավիճակը հայ-ադրբեջանական սահմանին։
«Եվրոպական քաղաքականության սիրելի մեթոդը հիմար գլխից առողջ գլխին բարդելն է։ Այլ կերպ հնարավոր չէ բացատրել Ֆրանսիայի նախագահ Էմանուել Մակրոնի վերջին հայտարարությունը։ Ֆրանսիացին մեղադրել է Ռուսաստանին, մեջբերում եմ, հայ-ադրբեջանական սահմանին «իրավիճակը բորբոքելու» մեջ՝ Կովկասում և դրանից դուրս «իրավիճակը ապակայունացնելու» համար։Հայտարարությունն առավել քան սխալ է: Գռեհիկ: Այլասերված և անընդունելի, ինչպես դա անվանեց մեր երկրի նախագահը»,- գրել է նա իր էջում:
Ըստ Մեդվեդևի՝ Էմանուել Մակրոնը, ըստ էության, «ոչ թե Ռուսաստանին մեղադրեց, այլ արդարացրեց իրեն»
«Հեռուստահաղորդավարները նրան կշտամբեցին, որ «Ֆրանսիան Հայաստանին թողել է բախտի քմահաճույքին»։ Նա բուռն պատմում է, թե Ֆրանսիան որքան է սիրում Հայաստանին։ Այստեղ հայկական սփյուռքի ազդեցիկ ներկայացուցիչների վերաբերյալ հաշվարկը բավականին թափանցիկ է։ Փորձում է իմաստուն և վեհ տեսք ունենալ: Այնուամենայնիվ, հիշենք, թե ինչպես է ավելի քան կես դար՝ 1960-ականների վերջից ի վեր, Ֆրանսիան իրեն պահում իր նախկին գաղութներում։ Սրա պատճառով արյան ինչ գետեր են թափվել Մալիում, Ռուանդայում, Կոնգոյում, Ալժիրում։ Ինքը՝ Մակրոնը, ժամանակին քաղաքակիրթ Ֆրանսիայի մեղսակցության հետ աֆրիկացիներից ներողություն խնդրեց տուտսիների ցեղասպանության համար։ Կտրված գլուխների ու հիմնովին ավերված գյուղերի համար։ Դիակներով լի հորերի համար։ Կախյալ և աղքատ երկրներում «բաժանիր և նվաճիր» ամենի համար, ինչը հավերժ ֆրանսիացիների խղճի վրա է»,- գրել է նա, ապա հավելել.
«Այսինքն՝ իր նողկալի գաղութային անցյալի համար։ Եվ բավականին ակնհայտ ամերիկամետ ներկայի համար։ Հիասքանչ եմ, պարոն նախագահ: Ամոթ է, պարոն նախագահ»։
