ՀՀ ոստիկանության պետի հանձարարությամբ ծառայության մատուցման որակը բարձրացնելու նպատակով անձնագրային եւ վիզաների վարչությունում, ինչպես նաև բոլոր տարածքային անձնագրային ծառայություններում վաղվանից՝ 14.06.2018թ.-ից ընդմիջման ժամ է սահմանվել 14.00-15.00: 
Այս մասին ֆեյսբուքյան իր էջում է գրել ՀՀ ոստիկանության անձնագրային եւ վիզաների վարչության պետ Մնացական Բիչախչյանը:
«Հանձնարարությունը պայմանավորված է նրանով, որ գրեթե բոլոր հիմնարկներում աշխատակիցների ընդմիջումը կազմակերպվում է 13.00-14.00, որը համընկնում էր անձնագրային ծառայությունների ընդմիջման ժամերի հետ, ինչը և խոչընդոտ էր հանդիսանում իրենց ազատ ժամանակը տրամադրել անձնագրային հարցերը կարգավորելու համար»,-գրել է անձնագրային եւ վիզաների վարչության պետը:
