Այսօր՝ մայիսի 9-ին Ազատության հրապարակից մեկնարկեց և «Մոսկվա» կինոթատրոնին հարող Շառլ Ազնավուրի անվան հրապարակում ավարտվեց մեր փառահեղ հաղթանակների օրվան նվիրված քայլերթ, որը նախաձեռնել էր «Անմահ գունդ» հասարակական կազմակերպությունը: Նպատակն է՝ պահպանել յուրաքանչյուր ընտանիքում Հայրենական մեծ պատերազմի, Արցախյան ազատամարտի և ապրիլյան քառօրյա պատերազմի հերոսների մասին հիշողությունը:
Քայլերթի մասնակիցներն, ինչպես նախորդ տարի, իրենց հետ տանում էին Հայրենական մեծ պատերազմի, Արցախյան ազատամարտի և ապրիլյան քառօրյա պատերազմի հերոսների նկարները: Մաշտոցի պողոտայում երթին միացավ ՀՀ նախագահ Արմեն Սարգսյանը: Միջոցառմանը մասնակցում էին նաև Հայաստանում ՌԴ դեսպան Իվան Վոլինկինը, «Ծառուկյան» խմբակցության, Զինված ուժերի ներկայացուցիչներ:
Անի Կարապետյան
Մասնակիցների հետ զրույցները՝ ստորև տեսանյութերում
