Արարատի մարզում 22-ամյա հղի կինն ինքնասպանության փորձ է կատարել` դեղահաբեր խմելու միջոցով: Այս մասին հայտնում են Ոստիկանության լրատվական ծառայությունից:
«Հուլիսի 29-ին` ժամը 18:30-ին, Արարատի բժշկական կենտրոնից Ոստիկանություն հաղորդում է ստացվել, որ դեղորայքային թունավորումով իրենց մոտ է տեղափոխվել 22-ամյա հղի: Նյութերի նախապատրաստման ընթացքում ոստիկանները պարզել են, որ աղջիկը դեղահաբեր է խմել ինքնասպանություն իրականացնելու նպատակով»,- ասվում է Ոստիկանության հաղորդագրության մեջ:
Դեպքի առթիվ նյութեր են նախապատրաստվում, հանգամանքները պարզվում են:
