Քանդակագործ, նկարիչ Արա Ալեքյանն այսօր Երևանի Շառլ Ազնավուրի հրապարակում հավաքված մարդկանց ներկայացրեց իր նոր գործն, ապա ,ավանդույթի համաձայն,  այրեց թղթերով պատված իր «Արջ»-ն:

Ուրույն ոճով ստեղծված այս արձանը, որ Մոսկվա կինոթատրոնի դիմաց ժամանակին կանգնեցված հսկա երկաթե սարդի ու ցուլի պես խոստանում է դառնալ Երևանի սիրելի կերպարներից, ունի  2 մետր բարձրություն, 3 մետր 30 սանտիմետր երկարություն և  1 մետր 30 սանտիմետր լայնություն: 

Արա Ալեքյանը հոգի է դնում ամենապարզ մետաղի՝ երկաթի մեջ, և նրա ձեռքերում արտադրական թափոնները դառնում են կերպարներ:

«Արջ»-ը պատրաստվել է երկաթից՝ մեքենաների տարբեր մասերից: 

Նշենք, որ Արա Ալեքյանի գործերը  Երևանում ներկայացված են  Անտիկյան ցուցասրահում:

Վավերագրող լուսանկարիչ Գերման Ավագյանը , որ վաղ առավոտյան ֆիքսել էր արձանի տեղադրման կադրերը, այժմ լուսանկարներ  է ներկայացնում «Արջ»-ի հրեղեն բացման արարողությունից:

72157668932858705