Արդեն տեղեկացրել էինք, որ Ազատության հրապարակում մեկնարկել էր «Ոչ թալանին» նախաձեռնության կազմակերպած բողոքի ակցիան: Ակցիայի մասնակիցները երթով շարժվեցին դեպի Բաղրամյան պողոտա:
Պողոտայի սկզբնամասում երթի մասնակիցների շարժը փորձեցին կանգնեցնել ոստիկանական ուժերը, սակայն դա նրանց չհաջողվեց:
Ճիշտ այն մասում, որտեղ երկու ամիս առաջ փակել էին Բաղրամյան պողոտան, ցուցարարներին դիմավորեց ավելի խիտ ոստիկանական պատ՝ թույլ չտալով առաջ շարժվել:
Երթի մասնակիցներին կոչ արեցին նստել Բաղրամյան պողոտայում՝«նստացույց» վանկարկելով:
Թե ինչ է կատարվում այս պահին Բաղրամյան պողոտայում ու դրա մատույցներում` հետևեք 1in.am-ի և a1plus.am-ի ուղիղ եթերներում: