Քիչ առաջ արվարտվեց ԲՀԿ խորհրդի նիստը: Մամլո խոսնակ Տիգրան Ուրիխանյանը լրագրողների հետ զրույցում ասաց, որ բոլոր հարցերի պատասխանները կստանանք կուսակցության առաջնորդի ելույթի միջոցով:
Նա նշեց, որ Գագիկ Ծառուկյանն անհանգստացած է ՀՀ մեկ միլիոն բնակիչների աղքատությամբ, նրանց՝ դեղի ու հացի համար արցունքոտված աչքերով, արտագաղթով:
Ինչ վերաբերում է ԲՀԿ առաջնորդի՝ քաղաքականությունից հեռանալուն, Տիգրան Ուրիխանյանը պատասխանեց.
«Քաղաքականությունից հեռանալու մասին թող մտածեն նրանք, որոնց մեծամասնությունը չի ուզում տեսնել»:
Խոսելով ՀՀԿ գործիչների ելույթների և սպասվող արձագանքի մասին՝ ԲՀԿ խոսնակը ասաց, որ կարձագանքեն իշխանափոխությամբ:
