Օգոստոսի 8-ին ԱԻ նախարար Ֆելիքս Ցոլակյանը հանդիպեց քաղաքացիների հետ, ովքեր ցանկություն էին հայտնել աշխատել ԱԻ նախարարությունում:
Հանդիպման ընթացքում նախարար Ցոլակյանը խոսեց փրկարարի պատվաբեր աշխատանքի կարևորության, պատասխանատվության և առաքելության մասին:
Նախարարի հրամանով տասնմեկ քաղաքացիները համալրեցին ԱԻՆ շարքերը:
Նախարարը նորընծա ԱԻՆ-ականներին մաղթեց անվտանգ և արդյունավետ աշխատանք, կոչ արեց բարձր պահել փրկարարի կոչումն ու պատիվը:
Հատկանշական է, որ Փրկարար ծառայության շարքերը համալրած քաղաքացիներից երեքը իգական սեռի ներկայացուցիչներ են:
