-Հայոց ցեղասպանության100-րդ տարելիցի շրջանակներում Հայաստանը տարավ այս պահին ամենախոշոր քաղաքական և քարոզչական հաղթանակը:
Սակայն դեռ շատ անելիքներ ունենք միասին թե այս տարի, թե գալ տալիները Համահայկական հռչակագիրը հնարավորինս ամբողջությամբ կյանքի կոչելու համար,-ֆեյսբուքյան էջում գրել է ԿԳ նախարար Արմեն Աշոտյանը`չպարզաբանելով , սակայն, թե ինչ հաղթանակի մասին է խոսքը:
Նշենք, որ այսօր համացանցում տեղեկություն է շրջանառվում, թե Թուրքիան չեղարկել է Առաջին Համաշխարհային պատերազմի ժամանակ տեղի ունեցած Գալիպոլիի ճակատամարտի 100-ամյակի հիշատակման միջոցառումները, որոնց մեկնարկը նախատեսված էր ապրիլի 24-ին։
Սակայն այս մասին գրել է միայն թուրքական Զաման թերթը, որ հայտնի է Ռեջեփ Էրդողանի դեմ ունեցած հակաքարոզչությամբ:
Ավելացնենք, որ այս պահի դրությամբ Zaman-ի հրապարակման առիթով պաշտոնական ոչ մի արձագանք չկա ոչ Թուրքիայի Արտգործնախարարությունից, ոչ էլ Հայաստանի ԱԳՆ-ից:
