Կապանում քաղաքապետի «Իմ քայլը» դաշինքի թեկնածուի քարոզարշավին մասնակցելով՝ ՀՀ վարչապետի պաշտոնակատար Նիկոլ Փաշինյանը հայտարարեց.
«Բիզնեսը Հայաստանում պետք է տարանջատվի քաղաքականությունից: Ով ուզում է բիզնեսով զբաղվել, պետք է հեռանա քաղաքականությունից:
Հայաստանում նախկինում խնդիր էր բիզնեսը և քաղաքականությունը տարանջատելը: Ես մեծ հարգանք ունեմ բոլոր գործարարների նկատմամբ: Շատ կարևոր է, որ նրանք իրենց աշխատանքային տաղանդով կարողանում են բիզնես անել, հարկեր վճարել: Գործարարները կարևոր դերակատարություն պետք է ունենան մեր երկրի զարգացման գործում: Բայց, ամեն մեկը պետք է զբաղվի իր գործով: Դժբախտություն կլիներ, եթե ՀՀ վարչապետը Հայաստանում բիզնես շահ ունենար: Դա բացառված է»,- ասաց Փաշինյանը:
Նա նշեց` նույնն էլ վերաբերում է քաղաքներին. բիզնեսը պետք է տարանջատվի իշխանությունից: Փաշինյանը վստահեցրեց` Կապանի քաղաքապետի թեկնածու Նարեկ Բաբայանը չունի բիզնես, նրա միակ գործը պետք է լինի ժողովրդին ծառայելը:
Կարդացեք նաև՝ «Հունան Պողոսյանը պետք է այնպես անի, որ դուք սկսեք վերաբերվել նրան այնպես, ինչպես Օսիպյանին եք վերաբերվում». Փաշինյան
Հարեւանը հարեւանի հետ կռիվ է անում, դուրս են գալիս ճանապարհն են փակում. Նիկոլ Փաշինյան