Մարտի 20-ը Երջանկության միջազգային օրն է: Սոցիոլոգ Ահարոն Ադիբեկյանի հարցումներից պարզ է դարձել՝ 65.000 մարդուց 3-ն է իրեն երջանիկ համարել:
«Բոլոր դեպքերում մենք քչով բավարարվող ազգ ենք: Եթե ընտանիքում ամեն ինչ լավ է, ամուսնությունը հաջող է , մենք երջանիկ ենք»,-նկատում է սոցիոլոգը:
Հոգեբան Սամվել Խուդոյանի խոսքով էլ՝ երջանկությունը որպես հասկացություն, վերացական է.
«Եթե նույն մարդուն մեկ ամիս անց հարցնես, թե երջանի՞կ է, հաստատ այնպիսի պատասխան է տալու, որը մինչ այդ չէր նշել: Երբ որ իրականացնում ես կյանքիդ իմաստը, խրոնիկական երջանկության մեջ ես լինում՝ մինչև նոր պլանները: Իսկ դժբախտությունը գալիս է 65-70 տարեկանում, երբ մարդկանցից շատերը հասկանում են, որ կյանքն անիմաստ է անցել»,-նկատում է հոգեբանը:
Անի Կարապետյան