Ծաղկաձորում ապրիլի 14-ին տեղի է ունեցել ՀՀԿ գործադիր մարմնի և խորհրդի արտագնա նիստ:
Գործադիր մարմինը կուսակցության նախագահի առաջին տեղակալ Կարեն Կարապետյանի առաջարկությամբ որոշել է ՀՀ վարչապետի պաշտոնում ՀՀԿ խորհրդին ներկայացնել Հայաստանի Հանրապետական կուսակցության նախագահ Սերժ Սարգսյանի թեկնածությունը:
Ինչպես Asekose.am-ին տեղեկացրել են ՀՀԿ լրատվական ծառայությունից, խորհրդի նիստում գործադիր մարմնի որոշումը ներկայացրել է ՀՀԿ նախագահի առաջին տեղակալ Կարեն Կարապետյանը: Խորհուրդը քննարկել է հարցը և միաձայն կողմ արտահայտվել թեկնածությանը:
Ապրիլի 16-ին ՀՀ վարչապետի պաշտոնում ՀՀ Ազգային ժողովի ՀՀԿ խմբակցությունը պաշտոնապես կառաջադրի Սերժ Սարգսյանի թեկնածությունը:
Հիշեցնենք, որ Նիկոլ Փաշինյանը հայտարարել էր, որ այսօր ավտոերթ տեղի կունենա դեպի Ծաղկաձոր. որտեղ տեղի է ունենալու ՀՀԿ խորհրդի նիստը:
Նշենք նաև, որ ընդդիմադիր մի քանի ուժեր՝ Նիկոլ Փաշինյանի գլխավորությամբ, Ազատության հրապարակում շարունակում են հանրահավաքն ընդդեմ Սերժ Սարգսյանի պաշտոնավարման 3-րդ ժամկետի:
