Երևանի քաղաքապետարանի ենթակայության Ալեքսանդր Հեքիմյանի անվան երաժշտական դպրոցի սաները մանուկներին հրավիրել էին Մոսկվայի տուն` միասին ճանապարհորդելու սիրված մուտֆիլմերի աշխարհով:
«Մի անգամ երազում» խորագրով երաժշտական հեքիաթ-ներկայացման շրջանակում դպրոցի նորաստեղծ փողային նվագախմբի, ինչպես նաև վոկալի դասարանների շնորհալի սաների մասնակցությամբ ներկայացվել են հատվածներ համաշխարհային գրականության էկրանավորված լավագույն 14 հեքիաթներից: Դիսնեյի հայտնի մուլտֆիլմերի սիրված հերոսների մոմե թանգարանում հայտնված աղջկա մասին ներկայացումն առանձնացել է փոքրիկ հանդիսատեսի հետ անմիջական կապով: Միջոցառումը համեմված է եղել պարային ուրախ կատարումներով:
Ալեքսանդր Հեքիմյանի անվան երաժշտական դպրոցի տնօրեն Մոնիկա Պետրոսյանի խոսքով մյուզիքլները նոր մոտեցում են և ուսուցողական ու միաժամանակ դաստիարակչական մեծ դեր ունեն երեխաների կյանքում:
Երաժշտական ծրագրի միջոցով երեխաները ծանոթացել են նաև տարբեր ազգերի ու մշակույթների երաժշտությանը:
Երևանի քաղաքապետարանի տեղեկատվության
և հասարակայնության հետ կապերի վարչություն