Ազգային Ժողովի պատգամավոր Վահան Բաբայանն, ըստ էության, շատ ծանր է տարել Նիկոլ Փաշինյանի ելույթը ԱԺ ամբիոնից և մի հետաքրքիր ստատուս է գրել այդ առնչությամբ:
Ինչն է հետաքրքիր, որ այստեղ պ-ն Բաբայանը, որն վերջին 20 տարվա մեջ 2 անգամ Ազատության հրապարակում է հայտնվել:
Նախ` փորձում է Նիկոլ Փաշինյանին և Քաղաքացիական պայմանագրին մեղադրել այնտեղ չլինելու մեջ:
Ցավում եմ, որ երիտասարդ պատգամավորը իր խոսքը ազդեցիկ սարքելու համար շատ բաներ մոռացության է մատնում:
Ուստի, հարկ եմ համարում հիշեցնել պ-ն Բաբայանին , որ երբ Նիկոլը և քաղ.պայմանագրի անդամները եղել են Ազատության հրապարակում, նա ` Վահան Բաբայանը կուսակցությունից կուսակցություն էր վազում` “Հանրապետություն” , “ՄԻԱԿ” , “Երիտասարդական”:
Երբ Նիկոլը և քաղ. պայմանագրի անդամները տարբեր հրապարակներում էին կրակոցների տակ, ԲՀԿ և ուժեղ տղերքը պաշտպանում էին Սերժ Սարգսյանի ընտրվելը` բարիկադի հակառակ կողմից:
Նիկոլը քաղբանտարկյալ էր, երբ ԲՀԿ-ն իր կոալիցիոն ստորագրությամբ օրինականացնում էր 10 մարդու գնդակահարելը և Սերժի Սարգսյանի Բաղրամյան 26 մտնելը:
Շարունակե՞մ... կարծում եմ այս մասով այսքանը բավարար է :
Ինչ վերաբերվում է մեր օրերին, ապա մի շտապիր` դուք ինքներդ դեռ շատ երկար Ազատության հրապարակում կանգնած չեք լինելու` տենց պատվեր դեռ չկա:
Երբ կկողմնորոշվեք` շտապելու եք արագ , թե դանդաղ , նստացույցով, թե 2017 գնալով, ով է ավելի ընդդիմադիր , ով ոչ, իշխանական ու ընդհանրապես, երբ բարձրաձայն կարտաբերեք Սերժ Սարգսյանի անունն` իմաց տվեք, իսկ մինչ այդ համամիտ եմ , որ վառ երևակայության զգացումը այնքան է զարգացել, որ ոմանք մոռանում են դեպքերի և դեմքերի իրական պատկերները:
Մոռանում են, բայց վստահ եղեք` հիշեցնող միշտ կգտնի:
ԱԺ ԲՀԿ-ական պատգամավոր Վահան Բաբայանի ֆեյսբուքյան գրառումը` ստորև.
Նիկոլ Փաշինյանի մոտ երևի վառ երևակայության զգացումը այնքան է զարգացել, որ մոռանում է դեպքերի և դեմքերի իրական պատկերները: ԱԺ ամբիոնից կուրծք ծեծող պատգամավորը համարձակվում է Բարգավաճ Հայաստանին մեղադրել այն բաների մեջ, որի մասին բազմիցս հնչել են հիմնավորումներ, իսկ այսօր ԲՀԿ-ն կանգնած է Ազատության հրապարակում ու պայքարում է իշխանափոխության համար, ինչը չես ասի Նիկոլի նրա ձևավորած կառույցի մասին: Թերևս դեռ նման պատվեր չկա, և ի վերջո, ինչ կարիք կա մարդկանց հավաքել կամ ցրտին կանգնել դրսում, եթե կարելի է մեկ-երկու պոպուլիստական ելույթով հայտնվել իշխանական էկրաններին ու կայքերում, միաժամանակ գումար աշխատել: Երևի Նիկոլի մոտ իրոք իրականության և անիրականի սահմանագիծը խախտված է:
Խորհուրդ եմ տալիս երիտասարդ պատգամավորին մնալ իր չափերի մեջ:
Ես լավ պատկերացնում եմ, որ Նիկոլի նոր միսիան համաժողովրդական շարժման հանդեպ վայրահաչելն է: Ասեմ, որ թույլ էր: Կոստյումների ճակատամարտից զատ կա մեկ այլ՝ օֆիսային իրականություն, և արժի նրան հարցնել, թե ո՞վ է ֆինանսավորում Քաղաքացիական պայմանագրի գրասենյակը քաղաքի կենտրոնում:
