Իմ օրակարգում իշխանություն պահելու հարց գոյություն չունի: Հին դիսկուրսը, որ պետք է իրար ոտքի տակ քանդել… նույնիսկ եթե նման դրսևորումներ լինեն, այդ հարցն իմ օրակարգում չի եղել և չի լինելու: Եթե որևէ պահի այդ հարցն իմ օրակարգում հայտնվի, ես կհամարեմ, որ անցածս ճանապարհն իզուր եմ անցել: Այսօր՝ մարտի 28-ին, խորհրդարանում հայտարարեց ՀՀ վարչապետ Նիկոլ Փաշինյանը:
Վարչապետը նշեց, որ Հայաստանում այլևս ընտրություններ չեն կեղծվելու, ՀՀ կառավարության օրակարգում այլևս իշխանություն պահելու գոյություն չունի. «Իմ օրակարգում այդպիսի խնդիր երբեք չի լինելու: Այս նոր տրամաբանությունը դիսկուրսի և քննարկման նոր որակ ու մակարդակ է պահանջում: Մեզ այստեղ բերել է ժողովուրդը և մեզ այստեղից կարող է հեռացնել ժողովուրդը: Ցնցում չի լինելու: Սակայն սա չի նշանակում, որ մենք որևէ կերպով կհրաժարվենք ծառայությունը մինչև վերջ տանելուց, թե կհրաժարվենք որևէ ապօրինության ամենակոշտ ու ամենավճռական հակադարձելուց: Այդ մշակույթն էլ պետք է փոխվի Հայաստանում: Քաղաքավարությունը չպետք է ընկալել որպես թուլություն: Ես բանտով անցած մարդ եմ ու հույս ունեմ, որ որևէ մեկն իր հոտառությունը չի կորցնի: Հակառակ դեպքում ստիպված կլինենք արագ վերականգնել»:
Կարդացեք նաև՝Այս տեմպերով որ շարունակվի՝ ես ու դուք չենք կարող Ամանորին խոզի կաշի ուտել. պատգամավորը՝ Փաշինյանին
Մալևիչ, Մանե, Մոնե, ես ասում եմ՝ Սարյան...Գոռ Գևորգյանը Մաթևոսյան կարդաց ԱԺ-ում
Դիտեք նաև՝