ՀՀԿ երիտասարդական կազմակերպության նախագահ Հայկ Մամիջանյանը ֆեյսբուքյան իր էջում գրել է.
«Կառավարության շենքի դիմաց կազմակերպել էինք ՖեյքաՀայաստանի վարչապետ Նիկոլ Փաշինյանի աջակից ֆեյքերի ցույցը»:
Նշենք, որ ակցիայի մասնակիցները ֆեյսբուքյան օգտատերերի պաստառներ են տեղադրել այնտեղ, որոնք, ըստ նրանց մեկնաբանության, Փաշինյանի «ֆեյք» աջակիցներն են:
«ՀՀ վարչապետի պաշտոնը ժամանակավորապես զբաղեցնող Նիկոլ Փաշինյանն ազատ, անկախ Հայաստան չի ուզում: Ինքը «ֆեյքահայաստանի» իշխանավորն ա, «ֆեյք» վարչապետ ա»,- լրագրողներին ասել է ՀՀԿ երիտասարդական կառույցի ղեկավար Հայկ Մամիջանյանը: Նրա խոսքով՝ սա վարչապետի «աջակիցների» ամենաանկեղծ ցույցն է:
«Քանի որ իրեն սատարողները հիմնականում համացանցային «ֆեյքեր» են, որոշել ենք իր փոխարեն իր «աջակիցների» հանրահավաք կազմակերպել, քանի որ անընդհատ ասում է, որ հուժկու հանրահավաք կանի»,- հավելել է նա: