▲ Դեպի վեր

lang.iso lang.iso lang.iso

Ֆուտբոլային դաշտ Լուսառատին կամ ինչպես դրսում 1 մեքենա քիչ գնելու փոխարեն մարդկանց ուրախություն պարգևել

ՀՖՖ նախագահ Արթուր Վանեցյանի խորհրդական Զոհրապ Եգանյանը ֆեյսբուքյան իր էջում գրել է

«Հաճախ գրում եմ, որ սփյուռքի շատ հայրենակիցներ դիմում են և հայտնում, որ ցանկանում են իրենց ծննդավայրերում ֆուտբոլային դաշտեր կառուցել, նվիրել համայնքի երեխաներին: Կան դեպքեր, երբ մարդիկ գնում են մինչև վերջ, կան, որ ֆինանսապես չեն տեղավորվում և այլն: Կան նաև արդեն հաջողված ծրագրեր, ինչպիսիք 90-ականների սկզբներին Արարատի մարզի Լուսառատ համայնքից Հոլանդիա տեղափոխված Հակոբյանների ընտանիքի դեպքն է: Ամեն բանի մեկնարկը տրվեց նրանից, որ հոլանդահայ Արմեն Հակոբյանը կապվել էր Նիդերլանդներում մեր արտակարգ և լիազոր դեսպան Տիգրան Բալայանի հետ ու հայտնել, որ ցանկանում է միանալ հայկական ֆուտբոլի զարգացման գործին ու Լուսառատի ֆուտբոլի դաշտը վերականգնել, դեսպանը միանգամից տվյալներ փոխանցեց ինձ ու սկսեցինք աշխատել: Արմենը եկավ իր հայրական գյուղ ընտանիքով, սկսեց դաշտի վերականգնման հողային աշխատանքները, հետ գնաց Հոլանդիա, իր հետ բերելով տեխնիկա, սերմ ու ապագա թիմի համար գնդակներ, մարզահագուստ, գույք: Երեկվանից սկսվել է ջրամատակարարման ցանցի կառուցումը, եկող տարվա գարնանից այս համայնքում կլինի արտակարգ դաշտ, որտեղ կկարողանան խաղալ նաև պրոֆեսիոնալ թիմեր: Ապագայի համար նախատեսվում է նաև տրիբունա, հանդերձարաններ, հետո, վստահ եմ, կգա հյուրանոցի ու այլ ենթակառուցվածքների հերթը: Այս պատմություն մասին գրում եմ, որպեսզի մարդիկ տեսնեն այս օրինակը ու հիշեն, որ դրսում մեկ մեքենա քիչ գնելու կամ ճոխ խնջույքների վրա հսկայական փողեր ծախսելու փոխարեն կարելի է Հայրենիքում հարյուրավոր մարդկանց ուրախություն պարգևել, վերջում մնում է մարդու լավ անունը, մնացյալն անցողիկ է: Տեսանյութը սիրողական է)) #հֆֆնաշխատումէ»:

Տեսանյութը՝ Զոհրապ Եգանյանի ֆեյսբուքյան էջից

Կայքում տեղ գտած մտքերը հեղինակի սեփականությունն են և կարող են չհամընկնել խմբագրության տեսակետի հետ: Asekose.am / հեռ: 095519696
Հասարակություն ավելին