Հռոմի Սրբազան Քահանայապետ Հայաստանում կլինի այսօր՝ հունիսի 24-ին, Երևանի ժամանակով 15:00-ին:
«Ֆրանցիսկոս պապը գալիս է բավականին ներկայացուցչական պատվիրակությամբ: Նրան ուղեկցելու է 83 լրագրող տարբեր երկրներից»,-լրագրողների հետ հանդիպման ժամանակ տեղեկացրեց Հայաստանի արտաքին գործերի նախարարության մամուլի խոսնակ Տիգրան Բալայանը:
Հիշեցնենք, որ այսօր տեղի կունենա նաև Ամենայն Հայոց Կաթողիկոս Գարեգին Բ-ի և Հռոմի Պապ Ֆրանցիսկոսի հանդիպումը Էջմիածնի Մայր Տաճարում, ապա կտեղափոխվեն ՀՀ Նախագահի նստավայր, որտեղ Հռոմի Պապը և Հայաստանի Նախագահը հանդես կգան ելույթներով:
Անի Կարապետյան
