Հայաստանի վերաքննիչ դատարանն այսօր՝ հունիսի 6-ին, որոշում կայացրեց Գեւորգ Սաֆարյանի խափանման միջոց կալանքը փոխելու վերաբերյալ միջնորդությունը մերժել:
Հիշեցնենք, որ ավելի վաղ Ազգային ժողովի «Ելք» խմբակցության պատգամավորներ Ալեն Սիմոնյանն ու Հայկ Կոնջորյանը երաշխավորություն են ստորագրել Գեւորգ Սաֆարյանի նկատմամբ խափանման միջոցը փոխելու մասին։
Նշենք, որ Վերաքննիչ դատարանում նախորդ` մայիսի 30-ի նիստը չկայացավ, քանի որ ամբաստանյալներին չէին բերել դատարան:
Հիշեցնենք, որ Գևորգ Սաֆարյանը ձերբակալվել է 2016թ.-ի Ամանորի գիշերը Ազատության հրապարակում տեղի ունեցած քաշքշոցի ընթացքում և մեղադրվում է ոստիկանության ծառայողին հարվածելու մեջ:
