▲ Դեպի վեր

lang.iso lang.iso lang.iso

Գումի շուկայում 2 օրվա սատկած ու մարգանցովկայի մեջ պահած անասունի մսեր են վաճառում․ Ֆերմեր

Մի քանի ամիս է, ինչ Վայոց Ձորի մարզում սարսափելի իրավիճակ է տիրում: Այս մասին այսօր` հուլիսի 22-ին, լրագրողների հետ զրույցում ասաց ֆերմեր Տիգրան Եղոյանը` անդրադառնալով մարզում տարածված բրուցելոզ հիվանդությանը:

«Գյուղեր կան, որ մանր եղջերավոր անասունների 55-60 տոկոսն արդեն հայտնվել են բրուցելոզի ճիրաններում  եւ մարդիկ նույնիսկ տանում էին Մարտունու շուկան եւ վաճառում: Կոնկերտ Քարագլուխ գյուղում 38 մարդ վարակվել է բրուցելոզով, հիվանդությունը տարածված է նաեւ մարզի այլ գյուղերում: Հիվանդ անասուններին մարդիկ տանում են Մարտունու շրջան, վաճառում եւ էնտեղից միսը տեղափոխում են Երեւան եւ մեր ազգաբնակչությանը մենք հրամցնում ենք այդպիսի հիվանդություն»,- ասաց նա:

 

 

 

 

 

 

 

 

 

Ֆերմերը պատմեց, որ ինքը ականատես է եղել մի ահավոր երեւույթի. «Ես ականատես եմ եղել` էս շոգին, մեկ օր առաջ սատկած ձին, որ մարդը եկել, մորթել ա եւ հարց եմ տվել` որտեղ եք տանում, ասելա երշիկի ցեխ, իսկ երշիկն ո՞վ է ուտում, մեր հասարակությունը: Որտե՞ղ է սննդի պետական տեսչությունը, որտեղ է Կառավարությունը, որտեղ են պատկան մարմինները: Եթե իմ հայտարարության մեջ կա զրպարտանք, թող ինձ դատի տան դրա համար: Սիրելի լրագրողներ, առավոտյան ժամը 5-5.30-ին գնանք Գումի շուկա, տեսեք` ինչ միս են բերում, խորհրդային արտադրության «Ժիգուլի», «ԳԱԶ 24»-ի բեռնախցիկները բարձած: Ամենայն պատասխանատվությամբ եմ ասում` սատկած մսեր: Վերջերս մի մսավաճառի հետ եմ խոսում, ինչ է պատմում: Ասում է` 2 օրվա սատկած անասունը բերել են, ասում է՝ մենք միսը ոսկորից անջատել ենք, լողանալու վանայի մեջ լցրել ենք, մարգանցովկայի լուծույթի մեջ մի քանի ժամ թողնում ենք եւ գույնը փոխվում է եւ սա, մեր սերունդն է ուտում»:

Մանրամասն՝ տեսանյութում 

Այլ կայքերից և տելեգրամ-ալիքներից վերահրապարակումների սկզբնաղբյուրը նշվում է. Դրանցում տեղ գտած մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին, որը կհրապարակվի անմիջապես
Հասարակություն ավելին