ԱԺ «Ելք» խմբակցության ղեկավար Նիկոլ Փաշինյանը Հանրապետության հրապարակում առաջարկեց, որ վաղը ոչ Երևանում, ոչ հանրապետության մարզերում ոչ մի ակցիա չիրականացնեն, իսկ ժողովուրդը հանգստանա։
«Մենք ԱԺ-ում աշխատում ենք, որ փորձում ենք հավաստիանալ, որ հայտարարությունները երաշխավորված են։ Մեր զգոնությունը չպիտի կորցնենք»,- նշել է նա՝ հավելելով, որ առավոտյան երեխաները գնում են դասի՝ «դասերը լավ սովորած»։
Նա նաև կոչ արեց հետևել իր ֆեյսբուքյան էջին, քանի որ զուտ տեսականորեն կարող են իրադարձությունները զարգանալ, որ հենց վաղը անհրաժեշտ լինի, հավաքվեն: «Եթե ամեն ինչ գնում է նորմալ, մենք հանգստանում ենք և պատրաստվում ընտրությունների։ Ընտրությունների օրը հավաքվում ենք, ոչ թե 250, այլ 500 հազարով»։