azatutyun.am-ը գրում է. Իշխող Հանրապետականը դեռ պետք է պարզի՝ խմբակցության պատգամավոր Մհեր Սեդրակյանը հայհոյե՞լ է լրագրողին, թե՞՝ ոչ:
Անցած շաբաթ հանրապետական պատգամավոր Մհեր Սեդրակյանն, ով հայտնի է «Թոխմախի Մհեր» մականունով, խորհրդարանում հայհոյել էր լրագրող Փայլակ Ֆահրադյանին, ապա փորձել նրան իր աշխատասենյակ տանել: Թեև այդ ամենը տեսանկարահանված է և տարածվել է համացանցում, իշխող Հանրապետականի խոսնակ, Ազգային ժողովի փոխնախագահ Էդուարդ Շարմազանովը նշում է՝ այդ տեսանյութը չեն տեսել:
«Սեդրակյանը ասում է, որ ինքը որևէ մի լրագրողի չի վիրավորել։ Ես չեմ տեսել ձայնագրությունը։ Ինչ վերաբերում է հայհոյանքներին, ոչ կոռեկտ արտահայտություններին, անկախ նրանից՝ ով է անում, ոնց է անում, ինչպիսի պայմաններում, բնականաբար, ցանկացած ոչ կոռեկտ արտահայտություն՝ լինի Ազգային ժողովում, կամ դրսում, ընդունելի չէ»,- ասաց Շարմազանովը։
«Կուսակցության ներսում դատապարտո՞ւմ եք նման երևույթները»։ «Մի հատ հլը պետք ա ճշտենք՝ նման բան եղել ա, թե՝ ոչ, նոր։ Դուք ասում եք՝ եղել ա... կտեսնեմ այդ ձայնագրությունը, կխոսենք»,- պատասխանեց ՀՀԿ-ի խոսնակը։
Մանրամասները՝ սկզբնաղբյուր կայքում և տեսանյութում
