«Երևանը պետք է դրական արձագանքի Բաքվի խաղաղարար նախաձեռնություններին»,- այս մասին հայտարարել է Թուրքիայի արտաքին գործերի նախարար Մևլութ Չավուշօղլուն՝ Նյու Յորքում՝ պատասխանելով ադրբեջանցի լրագրողների հարցերին, փոխանցում են թուրքական լրատվամիջոցները:

«Մենք տեսնում ենք, որ երկրի ներսում արմատականները, իսկ դրսից՝ սփյուռքը ճնշում են գործադրում Հայաստանի իշխանությունների վրա։ Երեկ՝ ԱՄՆ պետքարտուղարի հետ մեր հանդիպման ժամանակ, մենք ևս մեկ անգամ հիշեցրինք, որ Թուրքիան ու Ադրբեջանը խաղաղություն են ցանկանում և բարի կամք են դրսևորում՝ հանուն տարածաշրջանում կայունության ապահովման»,- ասել է Չավուշօղլուն։