Այսօր Ազգային ժողովում լրագրողների հետ զրույցում «Իմ քայլը» խմբակցության պատգամավոր Հայկ Սարգսյանը, անդրադառնալով ԲՀԿ-ական պատգամավոր Գևորգ Պետրոսյանի՝ նույնասեռականների կողմից երեխա որդեգրելու վերաբերյալ օրենքի նախագծին, նշեց.
«Կարծում եմ՝ նման խնդիրների մասին ինչքան քիչ խոսվի, այնքան լավ: Ամեն անգամ նման հարցերը շոշափելով՝ ավելի մեծ ուշադրություն է գրավում, ինչին ես դեմ եմ»:
Ըստ Հայկ Սարգսյանի՝ օրենքի նախագիծ է բերվել, որը գոյություն չունեցող խնդրի մասին է և շահարկումների տեղիք է տվել.
«Հայաստանի պատմության մեջ չկա դեպք, որ միասեռականները երեխա որդեգրեն»,-հայտարարեց պատգամավորը:
Կարդացեք նաև՝ Մի հատ էլ քֆուր դնեիք, սրա ձևն արդեն չափ ու սահման չունի. բախում ԱԺ-ում՝ Գևորգ Պետրոսյանի և Արարատ Միրզոյանի միջև