«Հենց նոր բացահայտվեց շատ վտանգավոր մի հանցագործություն: Կանաչապատման աշխատակիցները քանդեցին չորացող սոսիի բունը ու հայտնաբերեցին, որ սոսիի բունը արմատների մոտ շաղափով ծակել են ու ծակի մեջ քիմիական նյութ են լցրել: Արդյունքում 100-ամյա թանկարժեք ծառը մեռնում է»,- այս մասին իր տեսանյութում ահազանգում է ակտիվիստ Էդուարդ Հայրումյանը: Նա նշում է, որ ծառը գտնվում է մի շինհրապարակում, որը պատկանում է «Կորյուն պլազա»-ին: «Նման արարքի համար պետք է պատժվեն օրենքի ողջ խստությամբ, ու առհասարակ խիստ ստուգումներ են անհրաժեշտ բոլոր շինհրապարակներում»,- հորդորում է Հայրումյանը: