armtimes.com-ը գրում է. Արդեն տեղեկացրել ենք, որ ՀՀ ԱԺ պատգամավոր, «Քաղաքացիական պայմանագիր» կուսակցության վարչության անդամ Նիկոլ Փաշինյանը քիչ առաջ ելույթ է ունեցել Երեւանի Խորենացի փողոցում հավաքված քաղաքացիների առջեւ: Փաշինյանը երբ անդրադարձավ ՀՀ ոստիկանության գործունեությանը, ոստիկանական պատնեշից դեպի ցուցարարները կանգնած բարձրաստիճան ոստիկանները սկսեցին ուշադիր լսել նրա ելույթը: Նիկոլ Փաշինյանը հայտարարեց, որ մինչ իշխանափոխությունը Հայաստանի ոստիկանությունը պետք է դառնա աշխարհի լավագույն ոստիկանությունը: ՀՀ ճանապարհային ոստիկանության պետ Արմեն Հակոբյանն այնպես էր տարվել պատգամավորի ելույթով, որ իր գործընկերների հետ կիսվում էր տպավորություններով:
