Հարցաքննվելու են բոլոր նրանք, որոնք կարող են որևէ նշանակալի տեղեկատվություն ունենալ Մարտի 1-ի գործի վերաբերյալ. այս մասին այսօր՝ օգոստոսի 9-ին, լրագրողների հետ զրույցում հայտարարեց Հատուկ քննչական ծառայության պետ Սասուն Խաչատրյանը՝ անդրադառնալով ՀՀ 3-րդ նախագահ Սերժ Սարգսյանի հնարավոր հարցաքննության մասին հարցին։
«Նախաքննությունն է որոշելու՝ ելնելով գործի շահերից»,– նշեց նա:
Հիշեցնենք, որ անդրադառնալով Հովիկ Աբրահամյանին փաստացի պատկանող տարածքում հայտնաբերված զենքի և Մարտի 1-ի կապին՝ ՀՔԾ պետը նշել էր.
«Տեղեկություն կա, որ Մարտի 1-ին բացի կանոնավոր բանակից, ներքին զորքերից, եղել են նաև զինված խմբեր, նախաքննությամբ ստուգվում է այդ վարկածը»։
Կարդացեք նաև՝ Վարկած կա, որ զենքը կիրառել են Հովիկ Աբրահամյանի կողմնակիցները. ՀՔԾ պետ
